「青年新政」梁頌恆、游蕙禎因為喺立法會宣誓「玩嘢」兼侮辱國家民族，畀法院裁定失去議員資格；二人又因為企圖衝入立法會議室，被控非法集結。社會大眾基本上已經唾棄咗呢兩個宣揚「港獨」兼侮辱全球華人同日本侵華戰爭死難者嘅「政客」，偏偏有個別媒體仲同佢哋做專訪幫佢哋做「面子工程」，其中梁頌恆竟然好意思話自己係「良心犯」、「政治犯」。睇嚟，梁頌恆唔單只人格有問題，知識水平仲極低，返去由幼稚園讀過就啱數喇。

高舉港獨豈會是「良心犯」

盲反派人士成日聲稱自己係咩「良心犯」、「政治犯」都已經唔係今日嘅事，但對於梁頌恆話自己係「良心犯」或者「政治犯」，囍雨就特別反感喇，點解？眾所同知，「良心犯」或者「政治犯」，應該係喺無違反法例嘅情況下因為自己嘅政治立場或者義舉而被誣告，咁就或者稱得上係「良心犯」或「政治犯」。但係梁頌恆以至游蕙禎都係經法庭判定為宣誓時違法，而且仲係用法律精英都好Buy嘅普通法判案，梁頌恆咁講，係咪想話埋法庭呢？

事實上，如果梁頌恆或者游游蕙禎仲想喺政圈發展，應該承擔罪責，同埋坦白向公眾承認自己有過錯，而絕對唔係到今日依然想將責任推向政府甚至法庭身上。所以，諸如游蕙禎話「自己沒有做錯，入獄反而要讓香港人知道特區政府是何等荒謬」，其實公眾聽完仲反感之餘，更加顯得佢哋無承擔、無勇氣。

港獨派都要「找數」

喺呢一度，囍雨要提醒大家，梁、游除咗有單非法集結案件在身，據報佢哋兩個到今日為止依然未還番180幾萬薪津畀立法會，囍雨請梁、游記得要「找數」，將屬於市民嘅公帑還畀立法會！仲有，梁頌恆話自己如果今次避過刑責會「遠離政治」，囍雨想請你而家就「遠離政治」，唔好再出嚟為禍社會，宣揚會將青年人「推到懸崖」嘅「港獨」喇！

原圖：港人講地資料圖片