盲反派一向歪理當真理，尤其係自己犯完法仲鬧番執法者轉頭，真係令人摸不著頭腦。最新嘅例子，就係社民連主席吳文遠喺上年向時任特首梁振英掟三文治，結果誤中一名總督察，被判囚三星期，獲准保釋等候上訴；明明犯法，「暴力王」吳文遠仲夠膽聲稱示威「掟嘢」好尋常，話喺香港要判監好「荒謬」。根據吳文遠呢種「神邏輯」，係咪即係佢哋只要係表達意見、示威，就可以為所欲為，連暴動都得先？

有表達自由 亦不可訴諸暴力

誠如法官所指，定罪同判刑係針對案件嘅「實際暴力」，同吳文遠示威、意見有幾高尚「無關」；法庭尊重市民表達意見嘅自由，但都唔應該訴諸暴力，如果有人因為不滿而暴力針對公職人員，法庭必須作出阻嚇刑罰。都係嗰句，無論係吳文遠定係其他盲反派人士，當然有權示威，但咁樣唔代表佢哋可以使用暴力；如果佢哋有政治理由就可以為何欲為，咁法治咪蕩然無存？

事實上，吳文遠絕對唔應該覺得掟嘢「好尋常」，因為：第一，向其他人掟嘢係不折不扣暴力，可能令人受傷；第二，前立法會議員黃毓民喺立法會向梁振英掟玻璃杯，就算冇掟中人，一樣被判普通襲擊罪成，有晒先例，吳文遠仲要向時任特首掟嘢，擺明係知法犯法！

掟嘢可以 那麼掟磚也可？

況且，大家試諗下，如果掟嘢係可以接受嘅，咁參與「旺角暴動」班暴徒，係咪又可以話掟嘢「好尋常」？吳文遠咁輕描淡寫形容自己嘅罪行，又講到掟嘢好似「國際標準」咁，咁喺外國掟嘢，尤其係向政府官員掟嘢，係咪又合法呢？囍雨就肯定唔係喇，吳文遠犯罪仲要歪理連篇，根本就係教壞細路！

仲有，吳文遠聲稱判刑對社民連日後嘅抗爭起唔到任何阻嚇作用，SORRY呀，冇人阻你抗爭囉，但前提係合法非暴力之嘛。吳文遠講到咁「型」，咁好吖，就請佢同社民連上下記住，下次犯法後，唔該挺起胸膛「找數」，唔好又再老屈司法系統「政治打壓」囉！

原圖：takungpao