教育大學發生「恭喜」蔡若蓮喪子嘅標語事件，各界人士紛紛譴責，但有個別人士總會啲幸災樂禍嘅人護航嘅。今日囍雨打開份《生果報》諗住睇下有咩報道、評論嘅時候，見到筆名為「添馬男」嘅時事評論員將事件描繪成「政治陰謀」咁，仲話呢場係「泯滅人性道德批判」。囍雨真係非常之好奇，到底係講出涼薄說話嘅人泯滅人性，定係勇敢走出嚟批評嘅人「泯滅人性」呢？

以政治手段為作惡者轉移視線

根據「添馬男」嘅講法，無論係DQ梁游、DQ另外四議員以至呢次教大標語風波都好，一切都係「泯滅人性道德批判」、「政治操作」咁，不過囍雨就同「添馬男」有唔同睇法喇，好簡單一個問題，梁、游宣誓時宣揚「港獨」、侮辱華人在先，政府依法執法在後，如果要話係有「政治操作」，始作俑者一定係梁、游本人；佢哋將莊嚴嘅宣誓儀式變成政治宣示，仲要用「支那」嚟侮辱華人，呢啲「政治操作」唔係梁、游所致咩？掉番轉頭批評依法執法嘅政府，「添馬男」癲倒是非嘅功力，的確係唔講得笑！

再講，如果「添馬男」話作惡者被批判係「泯滅人性」，同樣道理就係講出「泯滅人性」說話嘅人「添馬男」以至個別反對派人士唔去批判，走去話出嚟批評嘅人唔啱，邏輯上完全講唔通！仲有，「添馬男」講得出呢啲咁偏坦嘅說話，似乎係佢泯滅人性」多啲喎！

辱華也是「旁枝末節」？

另外，囍雨唔知「添馬男」點睇辱華言論，不過佢喺文章話共產黨針對「辱華」旁枝末節上網上線，囍雨有理由相信「添馬男」唔覺得用「支那」言論辱華有咩大問題，甚至認為就算辱華都係少事。囍雨估計，「添馬男」之所以唔認為辱華係咩大問題，一係佢就唔係中國人，一係佢就係唔認自己係中國人嘅中國人；由一個都唔多認係中國人嘅人講出呢番說話，真係無乜說服力，亦都唔多可信！

無論點都好，個別人士以至「添馬男」不斷將事件講成係政治事件、政治操作嘅時候，佢哋有冇膽量評論一句，涉事人士道德觀念根本超錯，更加應該向公眾道歉呢？

原圖：網上圖片