大家應該喺農曆新年期間收到唔少利是，你又拆咗利是未？利是錢會自己袋，但拆完利是之後，啲利是封你又會點處置？丟咗佢？留返下年用？或者可以拎去回收。綠領行動第5年舉辦嘅「利是封回收重用大行動」已經開始，市民可以將可重用嘅利是封投入利是封收集箱。

「利是封回收重用大行動」已經係第5年舉辦，由即日起至2月22日(年廿三)展開，400個回收點分佈喺全港多個商場、屋苑、銀行、酒店，回收得嚟嘅利是封經整理後會再次喺農曆新年前供市民免費索取。綠領行動預計今年回收量可衝破300百萬個利是封。市民可以喺綠領行動網站搵到400個收集點。

提提你：有啲人會以為回收利是封可以直接投入廢紙收集箱，但其實大多數利是封表面都有燙金印刷或者其他物料，唔可以直接當廢紙回收，市民如果想利封是得以有效地被回收，都係投入利是封回收箱入面會好啲！

資料、圖：綠領行動