正月十五後先可以拆利是？係真唔係呀？其實跟據非正式統計，好多人都會喺收到利是當日就拆利是，亦都有人會喺初七人日之後拆，或者跟傳統到正月十五後先拆利是，少數人會將利是保留一年後再拆……總之幾時拆利是眾說紛紜啦！

其實傳統上利是係要到正月十五後，即係過咗新年先拆。有人話咁做係為免「財散」，亦有人話正月十五之後就唔會再派利是，喺呢日之後拆利是，就可以將長輩給予嘅祝福完整接收咁話。

點解要派利是？

傳說話古時有隻叫「崇」嘅怪獸，專喺年三十嘅夜晚走出嚟嚇小朋友，大人為咗趕走佢，於是會喺年三十晚點燈「守崇」，後來有人發現過年前將包住紅紙嘅銅錢放喺小朋友枕頭底下可以嚇走「崇」，於是長輩都會喺年三十晚嘅時候將「壓崇錢」送俾小朋友。由於「崇」同「歲」讀音相近，所以漸漸「守崇」變為「守歲」，「壓崇錢」變為「壓歲錢」，祝福小朋友平平安安大一歲。

圖：ggpht.com