送蛇迎馬，除咗陪住屋企人溫溫暖暖過年之外，去行年宵似乎亦係唔少市民既指定動作。其中全港最大既年宵市場維園，各商戶今年都施展渾身解數，務求要市民新年有得食、有得玩、有得睇，真係唔買都埋嚟睇吓啦！

搵食：

維園年宵設有3個熟食檔，由經典香港小食到名貴飽參翅肚應有盡有，每份不過三十蚊，一百蚊可以食到飽！

搵嘢玩：

有學生攤檔推出應節吹氣大紅花鼓，打得又坐得，市民亦可以試玩真的大紅花鼓，一齊熱鬧唱賀年歌！

搵嘢睇：

要數今年年宵最吸引眼睛的必然是參考熱門手機遊戲製作的連檔攤位，售賣各款糖果咕〈口臣〉，其大型滑梯和遊戲背景造型一定是今年年宵必影位！

支持本地運動員：

今年一班香港空手道代表在維園擺檔，售賣由48個運動項目拼成的「福」字索袋，自開檔以來已經有不少體育和演藝名人到場支持，一齊撐香港運動員。

「馬」字行頭：

每年都有商戶食住「生肖」，推出相關概念產品，有商戶參考人氣綜藝節目推出馬型頭套，亦有檔口擺滿可愛的草泥馬，吸引大人細路駐足影相。而年花檔口亦生意興隆，除了桃花、水仙等熱門年花外，亦有花檔推出新品種馬年花品，各式各樣年花應有盡有，價錢下至幾十，上至幾千，豐儉由人。