港台以公帑運作，卻常與政府唱對台戲，已故政協常委徐四民更曾炮轟《頭條新聞》陰陽怪氣。近期，警務處處長鄧炳強兩度去信廣播處處長梁家榮，投訴該節目有環節有抹黑警隊之嫌。另外，有港台女記者喺英文節目《The Pulse》問世衞官員有關台灣的地位問題，商務及經濟發展局局長邱騰華直指節目違反「一個中國」原則，亦無履行約章。

港台顧問委員會多次與港台高層接觸跟進投訴，卻未見進展，主席陳建強接受網台節目主持人鄧飛訪問時，被問及唔少意見話當梁家榮或港台認為編輯自主無違反約章時，代表顧委會係「冇牙老虎」。

陳則反駁並強調:「我哋(顧委會) 係絕對有牙。」陳解釋，港台須遵守約章向顧委會負責，強調問題可按機制處理。他又指約章無訂明「邊個要鬧、邊個唔鬧」，但節目要達到準確持平，去推動公民、國民身份認同，及認識一國兩制呢個目的。他又唔同意港台遭針對，又寄語港台「還原基本步」按約章行事連結大眾。

外界批評咗港台都超過廿年 情況依然，無論顧委會同政府都真係要認真處理至得,唔好得把口講完就算。

圖片來源：港人講地資料圖片、《頭條新聞》截圖

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app