今年10月1日，在屯門大會堂外執勤期間，被腐蝕性液體所傷衝鋒隊警員向大家報平安！《港人講地》收到受傷警員發予同袍的信件，除多謝各方關心外，亦藉直接向大家講一句：「我接受緊好專業嘅治療，大家唔好擔心！我承受的痛是正常的，無咩需要擔心，大家看到啲照片亦唔好太驚，我哋嘅傷處正好理想咁康復！」

涉事的警員在信中提到，自從情況穩定之後，警隊現職各個層面嘅人員，甚至已退休嘅夥伴，在形勢緊張的時候仍抽空探望，期間有激動憤慨，亦有熱淚盈眶，他對此深受感動：「另外福利部，職員關係科嘅同事，拳頭會（警察隊員佐級協會）嘅代表，喺我受傷期間，不辭勞苦，為我處理好多好多問題，亦為我家人提供各種支援，萬分感激。」

他表示，若當日如果沒戴頸套，相信所受傷害不止於胸口，而是整條頸部，甚至氣管亦會受到非常嚴重傷害，形容當時生死一線，但不知是否精神上出現類似創傷後遺症，受傷後會不自覺手震和流淚，幸有心理服務課人員提供悉心輔導，現時情況已得到改善。

涉事警員指出，相關人員帶來的，除警隊內的一份支持，亦帶來很多有心人的慰問和關心：「我哋聽講我哋嘅傷情亦得到好多好多媒體的關注，我哋都無諗到自己會得到這麼大的關心和支持（收到好多慰問卡吖，又有手工製作嘅小禮物，好多好有心思，亦有好多窩心嘅字句吖！）」

除了感謝各方人士的關心，涉事受傷警員亦特別回應社會的疑問，強調自己正接受緊很專業的治療，希望大家不用擔心：「大家可能睇過另一位兄弟所寫嘅文章，當中提到『痛，好痛。。。』大家有疑問點解會咁痛？無止痛藥？被粗暴對待？其實都不是。大家曾經都有擦損手腳嘅經歷，清洗傷口嘅時候一定係痛！止痛藥係有，但係並唔可以百份百去除痛嘅感覺！我同另一位兄弟被思疑化學腐蝕性液品造成三級燒傷，傷口深，面積大，傷患處每日需要清理，擦除去壞死嘅組織！話俾你知唔痛肯定係呃你嘅，一陣風吹過都會劇痛，傷口本身皮膚上面嘅神經非常多，痛是非常正常的生理反應！」

相關警員又提到，曾經有一位資深教授說過，清洗傷口的時候，感到痛才是好，因為代表幫你完全清理好傷患，隨意洗洗，不感痛楚根本並非對傷者好。他直言，「痛」只是兩名受傷警員的感覺，但並不是「控訴」， 希望大家不要以為自己和另一位兄弟受到粗暴對待：「當時實在係痛到暈，只知嗌出嚟係緩解嘅一種方法，希望大家唔好對專業嘅醫護人員存有不必要嘅誤解！！」

該名警員重申，在前線執法，大家都希望所有人相信自己的專業：「依家我瞓喺病房，我選擇絕對相信醫護人員嘅專業！大家可以對事件有唔同嘅立場，但係我唔相信專業嘅人會自己踐踏自己嘅專業！同時我相信，要好好康復，與醫護人員互相信任，先可以事半功倍！況且，我同另一位兄弟喺病房休養咗咁耐，並無任何受到令人難受嘅對待所以，大家唔需要擔心！我哋係警察！都係一往無前！呢份傷痛我同兄弟肯定可以慢慢慢慢熬過去！」

涉事警員在文章末段提到，受傷後，最怕是自己的傷痛會影響到家人和同事，他在此向大家報平安，他又感性地說：「我受傷期間最擔心嘅亦係我家人和同事！前線嘅兄弟姊妹，我真係好擔心你哋，暫時我無辦法同你哋並肩作戰！懇請你哋做嘢小心，多啲休息。」他承諾，一定會盡快康復，重投前線，再一次與大家並肩作戰：「當然更希望，當我康復嘅時間，香港已經回復太平！！！」

他最後說到：「We are Police！We are Hong Kong Police！讓我們一起為香港繼續努力！香港警察加油！！」

圖片來源：讀者提供

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app