社會各界正廣泛討論香港特首普選的議題，國家領導人曾提出特首要「愛國愛港」，又指特首普選跟「國家安全」有關。身兼港區人大代表的立法會議員廖長江接受《港人講地》專訪時認為，北京看香港政改問題較為宏觀，香港基於地緣位置，不知不覺間，已成為外國勢力在亞洲地區的棋子，因此香港政改不但關乎「國家安全」，更是國家完整的概念。不過，社會普遍對中國歷史或文化不了解，故港人不明白箇中關係是可理解的。

廖長江指出，香港政改涵蓋三個核心問題，包括維護國家主權、安全和發展利益；在香港政制發展中，普選有其憲制責任；因此，從北京角度而言，政改不單是香港的問題，更關乎國家安全及國家完整概念，「唔係淨係話香港有人搞革命，有解放軍駐喺香港咁簡單！國家安全包括反間諜、反恐，以及網絡、經濟和金融安全，係一個好宏觀、廣泛嘅概念。」

廖長江認為，基於香港地緣位置及外圍複雜環境，民心回歸進度比預期慢是可理解的，形容情況尤如電影《北非諜影》的劇情，「就算我哋唔想做一隻棋子，無可奈何都係一隻亞洲地區嘅棋子。」從北京而言，美國強勢回歸亞洲、東海及南海爭議等問題都關係到「國家安全」，但由於香港的中國歷史與文化教育未到位，港人未能洞悉這點是可理解的。

至於特首須「愛國愛港」的要求，廖長江指，根據《基本法》第44條規定，「行政長官必須是在外國無居留權的香港特區永久性居民的中國公民」，這條文中所列明的「中國公民」四字，其實已說明特首在中國憲法中的憲制責任，即是愛國的行為，雖說「愛國愛港」是感性的概念，但也有其客觀性，「例如提委會嘅委員都係通過選舉產生，呢啲都是社會活躍嘅人士，對政治人物有一定認識，呢個係主觀嘅判斷。但喺提名過程中，參選人要取得過半提委會提名先可成為候選人，呢個就係佢嘅客觀性。」

廖長江又認為：「講真，泛民的確唔夠政治智慧；當北京領導人提出做特首要愛國愛港，呢個咁正常嘅要求時，點解唔認自己愛國愛港呢？又點解唔爭取同中央溝通嘅機會呢？」他又認為，泛民主派第一步便已走錯路，不過為時未晚，只要願意落實政改，突破瓶頸，未嘗不是民主派跟中央關係正常化的契機：「即使將來泛民有機會執政，但係提委會同選民仍然會考慮佢哋同中央既關係，如果合作唔到，根本就冇可能施政。簡單啲講，偈都傾唔到，第時點拖手仔呀？