「人民力量」的快必（譚得志）前兩天在觀塘裕民坊一個燈位旁邊開街站，聲言「人民力量」要發起「紅公仔過馬路運動」抗「一地兩檢」，期間他罔顧過路行人的安危，儘管車道上車水馬龍仍然教唆市民衝紅燈過路。據文匯報報道指，當時快必高呼：「啱呀，紅燈過馬路，快啲快啲，唔使守交通規則㗎，高鐵（『一地兩檢』）都係咁㗎，唔怕㗎，最緊要方便快捷，可以破壞法律㗎！」公然慫恿市民無視道路安全「衝燈」，此等籲市民以身試法的行為，簡直是不知所謂！
原圖：港人講地圖片