新任全國人大常委譚耀宗日前表示喊「結束一黨專制」口號屬違憲。街工立法會議員梁耀忠，昨日與非建制派一起見記者，建議非建制派議員一同叫「結束一黨專政」口號。結果非建制派在記者前拉拉扯扯，出盡洋相，最後未有實行。

當時梁耀忠指，「Gary（范國威），可唔可以影完相後，嗌一句結束一黨專政」，范國威未有即時回應。當時新任議員區諾軒表示「我OK呀無問題」，毛孟靜亦即時和議。胡志偉表示「我梗係唔介意啦」﹗

不過，平時「也文也武」的公民黨楊岳橋未有表態，而剛剛當選的范國威，見勢色不對就開始迴避。范國威其後再向非建制派會議召集人莫乃光諮詢意見，「使唔使呀，呀梁耀忠議員建議大家一齊嗌一句結束一黨專政」，莫乃光指「我諗唔需要喇，你哋傾下先」，「焦點喺返佢兩個（范及區）度，好啲囉。」毛孟靜即時稱：「有人反對就唔制呀？」結果大家不了了之，可謂「笑死街坊」。

原圖：港人講地圖片