香港有清潔龍阿德 幫手睇著，吉林亦有一隻又忠心又愛清潔嘅「清潔狗」，過去3年來為主人同巿民服務！

忠犬「虎子」每日清晨5點就會起身，跟隨身為清潔工嘅主人出外工作，三年來從不間斷。喺主人清掃街道時，虎子就會用小嘴叼起地上垃圾，仲識放入垃圾收集車，盡力幫主人手做嘢，真係好乖呀！唔少網民見到虎子咁乖，都紛紛留言讚佢「太乖太可愛了！」、「主人一定對佢好好，佢先會咁忠心」。

內地除咗有虎子呢隻又乖又環保嘅狗狗，喺廈門仲有一隻叫「老虎」嘅狗狗，專喺海灘執垃圾畀主人拎去回收，真係兩隻狗狗都好抵錫！