「一地兩檢」方案出爐後，反對者不時拋出似是而非的論調，連絕少就爭議議題發聲的詠春聯會主席、《葉問》電影系列出品人冼國林近日亦忍不住在Facebook發帖「鬧爆」盲反派，他一開首便說：「作為一個個商人本應少談政治以免得罪人。但今次『一地兩檢』好多人嘅處事手法令我好失望，所以忍唔住要講幾句」。

冼國林提到「一個李姓資深大律師」，說對方曾經是他崇拜的偶像，「但佢近十多年以資深法律資格曲解法律誤導年青大眾，更加聯同其他人士將一個對社會民生經濟發展嘅好事（其實在同一個國家協調只係件好少嘅事）無限擴大刻意阻撓實在令人心痛。」

接著冼國林又怒斥「魔僧」，「另外一位資深嘅宗教人士嘅表現令我諗起一套好多年前嘅一套電影好似叫做『魔僧』。內容係講魔鬼撒旦收買咗一個教庭裏面好想向上爬嘅主教，協助佢成為教宗。電影本來係諷刺教會裏邊有啲表面上好崇高但係魔鬼心腸嘅人。呢個編劇好似有未卜先知嘅咁，而家好多人都係魔僧上身。打着正義旗幟實質做緊一啲魔鬼嘅行為。」

最後冼國林寄語他所認識的非建制派朋友能及早回頭，「我好希望我認識嘅泛民主派朋友及早回頭，為自己社會積番啲陰德遠離魔鬼，唔好再做一啲傷害社會嘅事情。因為你地要記住你有今日嘅穩定生活同成就除咗你努力爭取之外香港呢個自由民主社會都造就左好多你機會俾你哋。為大家嘅下一代着想希望你哋重拾你知唔好做一啲損人不利己嘅事。」

原圖：大公報