特首梁振英在最後一份《施政報告》中不怕禁忌、主動提出研究開發郊野公園邊陲地帶作興建公營房屋之用，《港人講地》博客原姿晴近日亦有題為「CY為何冒罵名碰郊野公園？」的撰文論及此事，並在網上引發熱烈迴響，就連著名導演高志森亦有留言進行理性討論並表達對作者觀點的認同。高志森直言：「郊野公園應該要，佔全港地三成已經夠有突，講『環保』，係借環保為名，拉香港發展後腿為實，係虛偽，唔buy。」

高志森留言全文如下：

其實郊野公園如何環保呢？遊人冇掩鷄籠你出我入，亂丟垃圾破壞花草，好多青少年枒叉射雀虐殺昆蟲小動物，野生鳥獸都受滋擾⋯

真心環保的，就不是把土地劃為郊野公園讓人取樂，而是應該劃為禁區禁止人類進入。

外國好多自然保護區係唔開放俾人遊覽，以免人類破壞大自然；香港班「偽環保」，假公義，要啲郊野公園地嚟露營摘樹枝丶跑步飛單車，仲要煑食燒烤引來山火燒幾日幾夜，完全係破壞大自然環境！

點環保呢？

快快起公屋好過啦！

（以上文章參考多篇網友文章寫成。個人覺得：郊野公園應該要，佔全港地三成已經夠有突，講「環保」，係借環保為名，拉香港發展後腿為實，係虛偽，唔buy。）