古巨基承諾減少無謂消費、謝安琪拒食濫捕海產、楊千嬅會用步行減少搭車、陳奕迅會減少浪費紙張，你又願意為地球嘅未來做啲咩？由世界自然基金會（WWF）主辦嘅地球一小時會喺今晚8點30分舉行，今年嘅「地球一小時」活動以「留住地球，捨出未來」為主題，除咗呼籲市民支持熄燈，同時亦希望大家反思除咗熄燈，我哋仲可以為地球嘅未來做啲咩？

根據WWF《香港生態足印報告2013》，如果全球所有人依照港人生活模式，將要2.6個地球先可以滿足所需，不過，只要大家步肯從日常生活中作出改變，就可以改寫地球嘅未來，簡單如隨身自備餐具、支持舊衣物回收等都可以減少製造廢物，積少成多係改變未來嘅巨大動力。

另外，每年都有好多市民同機構支持地球一小時活動，WWF今年會喺中西區海濱長廊舉行倒數活動，同大家一齊見證維港兩岸建築物熄燈一刻。

地球一小時2014倒數活動

日期：2014年3月29日（星期六）

倒數活動時間：晚上8時正

地球一小時時間：晚上8時30分至9時30分

地點：中西區海濱長廊（中環段）草地（添馬公園前）

資料來源及原圖：WWF