據說，典型港女通常有這樣的特質：「我今日有咩唔同？」

「唔……」

「咁都睇唔出？」

「轉咗隻唇膏？ …… 換咗第二隻眼影？……」

「剪咗髮呀！咁都睇唔到！」

「真係唔覺噃！」

「剪咗成吋呀，咁都唔覺？」無謂爭執由此起。

這陣子，看兩會新聞，看香港人演繹，忽然覺得這小島很有港女feel。「嗱嗱嗱，李克強冇講『港人治港、高度自治』呢八個字喇……」大家咬文嚼字，或者政治就該要這樣演繹，但作為觀眾的我都有點累，更何況孭著十三億包袱的習、李。

就像情人節港男向港女送了花、訂了燭光晚餐、吃完飯還看電影，再漫步海邊，然後港女說： 「成晚你冇講過『我愛你』喎，乜呢三個字咁難講出口咩？」聽完，係咪想死？

這邊廂死了二十九人，百幾人躺在醫院，恐怖分子仍在逃；那邊廂，冶艷港女在發嗔，你的工作報告只提了我百幾個字，是不是不寵我了？

老實說，如果習、李特別用一整個章節去講香港，我想，大家的演繹又會變成中央高度干預，插手香港內政。

疼也不是，管也不是，如果我是習、李，對著這個特區港女，我會想死。李嘉誠說香港是個寵壞了的孩子，我覺得未夠貼切，香港更像一個難纏港女，我有手有腳，使乜你理呀？……哦，你唔錫我嘞！哦，你唔理我！

有人說，中共的政治從來都是這樣解讀，少一句，國策就變，不容忽視。我不是專家，想法天真，純粹代入習、李兩人的世界，解讀香港這字典，愈發莫名其妙。明明是你們舉起龍獅旗，個個說懷念殖民地政府，於是我少提「自治」，免得惹你誤會，然後你發爛渣： 「哦，唔畀我哋自治嘞！」卻不去想想，究竟是誰先動手動口，惹人收起「自治」二字？

原文轉載自《明報》2014年 3月10日

原圖來源：網絡