大年初一晚的暴動可以說是撼動人心，藝人陳貝兒在facebook發帖時也對今次的暴亂深有感觸，她寫道：「今晚喺文化中心碰見有位警察頸上包了一大塊沙布，佢話係尋晚俾磚頭打傷嘅。我眼見佢傷得都唔輕，所以直接反應傻傻地問佢點解唔請假休息？佢輕輕地回答話要緊守崗位。」

以下為其facebook全文：

香港其實好靚。

不過今晚望住個維港，心情很不一樣。小市民一名，當然係想安居樂業。這些年香港屈埋不少怨氣，我也想過，可以怎麼辦？但係其實係咪不滿，就可以理直氣壯盡情破壞？你對屋企人不滿，會唔會放火燒自己屋企呢？而即使係不滿，目標亦根本唔應該係前線警察，講到尾佢地都係打份工。今晚喺文化中心碰見有位警察頸上包了一大塊沙布，佢話係尋晚俾磚頭打傷嘅。我眼見佢傷得都唔輕，所以直接反應傻傻地問佢點解唔請假休息？佢輕輕地回答話要緊守崗位。

事情當然唔會係一面倒非黑即白，亦唔會係表面睇得咁簡單。爭取民主表達意見、支持。不過唔好打警察、更加唔應該打記者打攝影師。

寫呢d預左會有人鬧，不過俾人鬧都要寫，因為唔想贊成使用暴力係會令香港變得更美好。今晚喺維港看著燦爛嘅煙花，同內心感受反差很大。

香港其實真係好靚，這是我們的家。

陳貝兒facebook原帖連結：https://www.facebook.com/missjanischan/photos/a.366925009675.203759.366734179675/10154574233984676/?type=3&theater

原圖：陳貝兒facebook