高鐵追加撥款申請已經喺立法會審議緊，泛民議員繼續玩「拉布」，誓要阻止高鐵成功上馬。一旦高鐵被破壞派成功拉倒，香港會損失多少公帑呢？運輸及房屋局局長張炳良今日出席電台節目時稱，若到今年七月仍未獲追加撥款，工程要先停工六個月，若未能復工，合約即被終止。若立法會到時仍拒絕撥款，代表工程會「爛尾」，到時收復地盤需要100多億，加上已用的600多億，即代表白白浪費了700多億公帑。

即使在停工後獲撥款復工，成本亦會即時大增300多億，而且重新招標期可能長達兩至三年，費時失事，又浪費公帑。由於高鐵工程費用已經「封頂」，新追加的196億撥款已是終極數額，相較之下，批出撥款，肯定較化算！