水貨客問題對新界好多居民造成重大的困擾，特別係北區居民，包括阻街，環境衛生，大型行李撞到人，加重交通負荷，什至改變社區生態，係一個要急切解決的民生議題。

我地過去幾年亦努力跟進相關問題，做大量工作，包括提出多項建議，例如跨部門執法打擊、黑名單制度、內地亮燈措施、多次往返附加費、限奶令、提出邊境商業城、區議會成立市容小組及最近民建聯喺人大政協兩會提出收緊一簽多行設限的提案等。

我地既立場是保障本地居民權益，收窄內地與香港矛盾，提出建議多管齊下去解決問題。而不是煽動族群仇恨，擴大矛盾，更無需地域對抗。

近期的反水貨自由行浪潮，從出發點黎睇，係由一連串民生問題解發，但係有目共睹，示威者對內地遊客既圍攻，辱罵，欺凌婦孺，推倒阿伯，所流露既憤恨，反映呢個浪潮不再純粹，已借勢成一場反內地運動，撕裂族群，地域敵對的思維。

現在社會有種令人擔憂的思潮，在不斷鼓吹蝗蟲論及民族自決論等激進思維下，有殺錯冇放過，圍駡及衝擊內地人，就算誤中副車仍不肯承擔責任。而早前對警方執法的一些不滿，就令人撇開理智，對有警察被襲被打九拳，竟然對襲警者讚好。更震驚的是有網民希望槍擊案中，警察被射倒。

現在部份人士的無視法紀，是非不分，絕對是佔中的後遺症。事實上泛民在佔中鼓吹違法，令部份人士對法治意識開始模糊，本來部份年青人只敢想不敢做，但見到立法會議員、學者、律師等都帶頭違法，阻塞街道。年青人變得大膽起來，將所想付諸實施。加上泛民及本土派的運動基本上有二手牌，第一手就係標籤內地人，建立蝗蟲論，第二手就係民族自決論，激化中港矛盾。

自由行同水貨客問題，對我們來說係民生議題。但對本土派來說係一張政治牌。一路以來，民主牌係泛民既王牌，但係隨著政改逐步落實，中央支持香港普選，民主牌再難打響，令泛民喪失號召力。

結果佢地過去一直縱容蝗蟲論的歧視言論，舉龍獅旗的港獨行為，希望將排外的本土意識造成一種主流意識形態，作為一面旗幟重新整合，背後徹徹底底係一場政治遊戲。

原圖：takungpao.com