歲晚行年宵，是指定動作。女兒對桃花桔仔沒太大興趣，孩子來逛花市，目的都是食和玩。

我們是鄉下人，很少跑到維園擠，通常在住處區域的小花市走走，已很滿足。孩子小時候最喜歡流連氫氣球檔口，每次到花市，第一時間就要買過大氣球，一人一個拿行年宵，才有趁墟氣氛。不過這些場面多數悲劇收場，三個氣球總有一個一不留神甩了手，望新玩具飄上雲端再灰飛煙滅，是孩子人生第一課的科學實驗，當然是伴口水鼻涕眼淚學的。

長大了，再逛氣球檔，是用來回味的。女兒最喜歡站在檔前看孩子， 「，呢個唔穩，就跌喇就跌喇……噢，冇了，又飛走，晒錢……冇得玩了，真慘……」她們總愛邊行年宵邊抬頭數，一、二、三……花市的天空，最少會有五六個被放走的氣球在浮游，那是孩子的童年回憶。

今日逛花市，女兒第一件事就跑去光顧雞仔餅大王，那幾乎是個固定檔口，又是另一個童年故事，因為我家孩子小時候一直以為雞仔餅是用雞仔做的，覺得殘忍不敢吃。當然大了知道那雞仔餅跟雞半點關係都沒有，才放心，一食愛上。

捧高熱量雞仔餅，邊行邊看乾貨攤位，年宵市場通常有幾檔是中學生投來做的實驗品，一般是自家設計，水準不一，今年又有幾檔，都是區內學校搞的，東西沒特色，看的多買的少。

我慫恿女兒掏腰包幫襯： 「喂，大家中學生，幫人買下啦！」誰知女兒鐵石心腸： 「落得場，就不該分中學生、大老闆，你的貨靚、值得買，我會買，設計差、不吸引，我不會幫襯。買東西不是做善事，你要籌錢就擺個箱，你要賣就唔該做好貨。」

「畀下面啦，假假地學生！」我用周星馳的食神口吻回應。

「學生大晒呀？」女兒脫口而出。對啊，這話由學生口中說出來，特別有力。

原文轉載自《明報》2015年2月18日

原圖：網絡