作者曉語為家庭主婦，有一子一女，當晚由兒子（正就讀中二）陪同下一同前往集會

噚晚（編者按：十月十九日）係我生平第一次參加集會，原來有好多人同我一樣都係第一次，大家都係對禍亂香港者忍無可忍才行出來。

以前我從不關心時事，因為我雖然沒有奢侈的生活，但我過得幸福無憂！但近幾個星期的「佔中」令人非常擔憂，佢哋根本在禍港殃民，根本在剝奪我的幸福、剝奪我下一代的福祉！所以我唔理老公的反對去了維園，希望多一把反對的聲音（老公反對我去係驚我危險，驚我俾暴徒毆打，雖然佢對禍港者嬲到爆）。

其實我身邊很多人和我老公一樣對「佔中」人士雖然恨得咬牙切齒，但佢哋只保持沈默，只對住熒光幕鬧，因為佢哋覺得事不關己，就算與己有關，佢地覺得：「我唔企出來，總會有人會企出來！」就呢種心態，所以少了反對之聲，令班自以爲是的「非法集結」者得以壯大，更加爲所欲爲、無法無天！

去維園途中，順便去旺角兜了個圈，眼見大量物資，不少人群佔據各個交通要道，或睡或坐或嬉戲，個個拿著手機玩得不亦樂乎，佢哋用垃圾桶、木板、爛雨傘劃地爲界和警察對峙，辛苦咗警察企係度一動不動，佢地大概在隨時準備著等那班「大帝」休息夠了，迎接佢哋的挑釁與衝擊吧！仲見到有幾起不同立場者俾班示威者圍罵的場景，呢啲就係佢哋追求的民主嗎？！

維園大約都有幾千人參加集會吧！我看不到有心人所說的派錢，水都沒派，連坐草地的枱布都是自備的，聽到好多共同的聲音，我終於見識到甚麽是合法和平集會，整個場地就算大家都好憤怒但都沒有粗囗與謾罵，幾千人集會只有幾個警察看守，和旺角所見大不相同！

醒醒吧！「佔中」人士，不要再做別人手中的棋子，那些泛民政客，有乜嘢事上來都照樣有錢袋，而你們呢？

原圖：由作者提供