本文作者為國藝娛樂文化集團主席冼國林

講政治係需要有政治智慧，喺今天政治氣氛，警察已經盡咗最大嘅抑制同努力維護香港。有些理想主義嘅想法，就是去成立獨立調查委員會調查警察使用武力是否恰當，但是大家有冇考慮到，警察點樣諗呢？有冇加深被歧視及缺乏支持的感覺？獨立調查委員會嘅成員係乜嘢人呢？認受性係點樣呢？由反對派定建制派議員抑或大法官組成呢？我可以肯定話畀大家聽，無論何人組成呢個委員會，最後調查出來的報告都一樣唔會平息爭拗。因為只要個獨立調查報告出嚟，結果唔係佢哋期望嘅話，兩方面都會反對。

現行已經有警察投訴科，亦都有監警會，如果而家又所謂成立獨立調查委員會，不但引起紛爭，亦推翻了現行投訴機制嘅可信性。監警會嘅成員有多位不同派別嘅議員，根本已經係有足夠公正性。有部分人可能又話，自己人查自己人一定有偏坦，但是大家記唔記得朱經緯警司及七警都係由投訴科轉介畀監警會，而由律政司提出檢控而判罪成。這些都足夠反映警察投訴科及監警會嘅功能係冇偏頗。動不動成立所謂調查委員會，不單不會對事件有幫助，更會增加另類爭拗。說穿了，這其實都是一些借口而已。

原圖:文匯報