西環有鬼乎？

唔係吖，自西港島線開通，西營盤多了個地鐵站，樓價立即攀升，食肆店舖生意也滔滔，何以社會上仍有人提起西環如見鬼，踏足西環更如闖鬼域，聞之色變？

日前，中聯辦主任王志民向立法會議員邀約，請他們元宵節一起午宴。請柬未發、地點未定，一眾反對派議員已經腳仔軟，又在圍爐抽生死籤，看看哪個要做代表發言？哪個負責舉牌玩嘢？哪個擺姿態不出席冇份出鏡？

毛孟靜說，若午宴在中聯辦舉行，她就肯定不會出席。

邵家臻說，午宴地點非常關鍵，「若要入中聯辦，好難會考慮。」

譚文豪說，若可談重啟政改、雙普選、內地維權問題，「吃茶餐廳大排檔都無所謂」。

一句講晒，入中聯辦食飯？咪搞！

到底他們怕甚麼？怕王主任會吃人？怕一進中聯辦就回不來？怕那張「走進中聯辦」的照片成為永遠？怕裏面餐廳食物有毒？怕進去會被洗腦？……真的好想知道，到底他們怕甚麼？

中聯辦其實已開放了幾次，好多市民都進去打過卡，作為立法會議員、民意代表，如果連中聯辦都未入過，或者不敢入，如何為民請命？如何當溝通橋樑？

最好笑還是民主黨的林卓廷和尹兆堅，他們說：「呢啲表面公關嘢，食完飯咪再揼多你幾拳」、「砍你殺你同時，又突然同你飲茶食飯，覺得好奇怪、好有違和感，成件事好諷刺」……

明眼人都看到，回歸廿一年，西環人說一句話，都會被千夫所指，說你干預香港事務，這些年，到底砍人者誰？出拳者誰？香港市民，心中有數了。殺人者說我無辜、醉酒佬說我冇醉，就是這種人。

本文轉載自《頭條日報》2018年12月27日

圖片來源：RTHK