本文作者為立法會議員郭偉强

僱員工時長、假期少，放假當然想唞唞。不少家長都怕帶埋小朋友旅行，既怕小朋友舟車勞頓受苦，又怕做阿四慘過返工。結果小朋友長大以後，又未必夾到時間去，錯過了親子成長的寶貴回憶。

絕對是EQ大作戰

筆者平日早出晚歸，每天只能相聚一刻。但工作再忙，為了爭取同老婆囝囝相處的時間，也盡量安排旅程，實行朝夕相對，帶囝囝看一些風土人情，沿途以見聞教學，親子自娛兼顧，相處時間重質(Quality)多於重量(Quantity)。

帶小朋友去旅行，絕對是EQ大作戰，須應付各項突如其來的挑戰。自駕遊當然係首選，小朋友玩到累，可以隨時上車「叉電」。中間隨心所至，又可以調動行程，靈活變通，讓父母同子女都省些腳骨力。

做好出發前準備也很重要，不論是預設行程，減少行冤枉路。又或帶「BB道具」，如一隻小公仔、慣用的枕頭套、被套或牀冚，都可以提升小朋友的安全感，減少行程中的不安，又可以幫助入眠，非常實用。

計我話，拋開平日的工作，跟家人外遊，離開熟悉的環境，既可以鍛煉小朋友的獨立性、自主性，亦可以讓小朋友看到不一樣的世界，增廣見聞。去旅行，從不在乎目的地，只要能放下平日繁忙，跟小朋友一起度過寶貴時光，才是最重要的。

原文轉載自《都市日報》2017年9月22日

原圖：網絡圖片