七支警棍和一篤尿的糾紛，掀起了全城哄動，也令社會再度撕裂，且聽它們的對話：尿：我兜頭淋你，係要整臭你！你死蠢，拉我埋一邊打，中晒我計！你知唔知周圍都係記者？枉你哋出嚟行咗幾十年，拉過咁多古惑仔，一篤尿就搞掂你！

警棍：尿，係人類的排洩物，正廢物，人人見到都彈開三丈遠。你咁臭檔，仲扮晒正義！我想嘔。向我哋淋一篤尿，就爭取到「民主」同真普選嗎？這是甚麼邏輯？

尿：係你扮晒正義，我想嘔至真，支警棍愛嚟做乜㗎？係拉人埋暗角，人多蝦人少，執行私刑㗎咩？

警棍：係你主動挑釁在先，但世界不公平，我哋連續執勤咗咁多日冇放假，一日做十幾個鐘，你就食飽飯冇事做，周圍射，唯恐香港不臭，換來五個星期輕判！我哋反擊，就重判兩年。好多人都睇唔過眼。

尿：你醒吓喇，到