幾時都話小朋友純真又可愛，美國一名五歲小女孩 Sunshine Oelfke 知道同學冇錢買牛奶後，動用自己豬仔錢罌幫同學仔，真係人如其名，夠曬陽光溫暖呀！

約兩星期前， 呢位陽光小小姐突然倒曬豬仔錢罌啲錢出嚟，婆婆 就問佢點解啦， Sunshine 就話：「我要用呢啲錢買牛奶，因為我嘅朋友 Layla 冇牛奶飲，佢媽媽冇牛奶錢但我有。」婆婆聽到後大為感動，決定發起「Sunshine’s Class Milk Money Mission」網上眾籌，希望籌到5,000美元（約3.9萬港元），讓全班20個小朋友整個學期都有牛奶飲。現時任務已超額籌得7,700美元善款（約6.1萬美元），令 Sunshine 同婆婆非常開心。

雖然仲讀緊幼稚園嘅 Sunshine 未知自己嘅善舉所帶來嘅影響，婆婆話不過佢依家明白只要有決心，任何事都可以做到。

圖片來源：Jackie Oelfke @Facebook