香港「神奇小子」曹星如（Rex）前晚對戰前日本拳王河野公平，以點數68:66取得職業生涯22連勝。直播賽事的香港寬頻原定將比賽拳套用作抽獎之用，豈料Rex在贏出比賽後太興奮，將一對勝利拳套拋向觀眾席，職員要立即向觀眾回收拳套，有人質疑「拋出去又收返」，不少網民亦坐食花生睇香港寬頻的關公災難。

香港寬頻在FACEBOOK表示「當我哋目擊Rex 掉走咗對拳套個刻，我哋都畀佢呢下忘我嘅moment 嚇到一額汗」，幸好職員成功將拳套回收。稍後更補充「要再次向當日交返拳套嘅兩位現場觀眾致謝。為表謝意，我哋會為嗰兩位觀眾送上iPhone 8 Plus (256GB) 一部！另外，等Rex休養完之後，再為兩位補送上一對Rex簽名訓練拳套！」，完美化解一場關公災難。

原圖：HKBN @FACEBOOK