一年一度嘅單車盛事「新鴻基地產香港單車節」將喺今個星期日（10月8日）舉行，今年單車節雲集4900個車手參加，破埋大會記錄，相信場面一定好壯觀。

重頭戲係當日下午上演嘅香港首場UCI 1.1級公路賽，18支來自全球13個國家及地區嘅車隊，共逾百名國際頂級車手落場破風，車手會由尖沙嘴踩入紅磡，市民可近距離欣賞車手嘅飆車技術。

另外，多達2600名參加者繼續踩上「三隧三橋」（長青隧道、南灣隧道、尖山隧道；青馬大橋、汀九橋及昂船洲大橋），單車節大使男女車神黃金寶與黃蘊瑤都會參加架。而一班城中名人都參加咗慈善單車遊，捐款予香港小童群益會和香港公益金。

除咗來自各國精英單車手嘅高超掟彎技巧外，主辦單位仲系巿政局百週年紀念花園安排咗舞蹈活動、Wattbike單車體驗區同美食車等活動，絕對啱嗮一家大細。

活動當天將實行封路及交通改道措施，市民出門要留意交通安排啦！

單車節詳細交通安排：http://www.discoverhongkong.com/tc/see-do/events-festivals/highlight-events/cyclothon.jsp